左的一至五

 當寫左三篇之後，由於九運將至，好多人都會有疑問。 不如參考一下之前每次九運同一運，响中國及世界歷史上係咩時間同咩事件。 其實成個世界都會有事，只係中國响九運同一運呢40 年的體感會痛D。 用另外角度去睇，一直以來中國都佔世界人口的 20% 以上。同埋係農業國家，好受到地運影響。 以1844-1883年呢40年，由於世界史的文獻記載得較詳細，清朝有事，歐洲其實都有事。 例如：1854-1856年克里米亞戰爭，呢場係英法聯盟去對抗俄羅斯向西擴張。俄羅斯輸到停左向西，然後向遠東同中亞。向西已經死左好多人，再向東係再累積更多死亡數字。俄羅斯方戰死450,015，聯軍則戰死165,363 (from Wikipedia)，加埋即係死左615378。615378 响歐洲算係大規模的死亡，而且只係兩年。 史書上關於印度唔係寫得太多，1857-1858 年印度係有第一場獨立戰爭，不過係起義失敗，响世界史上係寫「1857年印度叛亂」，結果係印度併入英國。過程係印度有三分二地方做過戰場，英國本身响印度4萬駐軍係搞唔掂，要其他地方調去增援。由以上資訊就可以推斷當時打得幾激烈。 只係兩個1844-1883年的九運及一運例子，都已經好勁。如果再往上睇，有好多地方係無文字記載或完整記錄，例如：1500年係巴西變成葡萄牙殖民地，响之前同之後究竟無左幾多人，呢個無得計算。史書可能只係一行字，但背後肯定唔會無傷亡無武力衝突就直接投降做殖民地。 九運同一運可以理解，2024年係開始人口減少同埋衝突的40年開端。 可能每180年裡面有40年係減數，所以個地球可以捱到今日。理論等同因為有颱風，世界好多地方無變成沙漠。正常情況下的降雨量係唔足以養活咁多生命，定時定候兼且時多時少咁有低氣壓同風暴，帶來雨帶先至足以令到生態可以維持。 即係呢40年包括但不限於： 戰爭 風災 雨災 火山爆發 地震 瘟疫 隕石 先唔好講深層政府，地球往往有呢個180年周期。逢九同一就係一個重新黎過的過程。 點樣由80億去返10億，用人類智慧好難去理解。 有幾個國家都性別嚴重失衡，理智上人為都干預不了。當一個國家50% 係老人，30%係中年，20%係生育年齡同兒童。 响呢20%裡面，每4個男先至1個女，即係4%人口係未來20年可生育婦女。女多男少响世界上係存在，不過通常係中老年。 用呢個公式計算，就算無天災，未來20年可出生...

 本來已經寫完兩篇，諗住可以就咁完左個故仔。 點知以巴就衝突，呢個「九+一」運又再提上議論空間。 須知道1848 年歐洲係發生左一單野叫革命之春，唔係乜春。要計返對應返而家係邊年，只要1848 + 180 就會知係2028年，即係歐洲响5年之後會有單大鑊野。 由於方塊字文化圈D 人係習慣慣中史，連亞洲史都少睇，一係就係咁睇一戰同二戰。不過，現代科技先進，要查唔難。 正如NHK 大河劇，雖然題材重覆，但其實佢地視角係有變遷。 方塊字D 人開始研究日本史，咁就引用日本開始講。日本由2022年開始強勁經濟增長，可以睇返180年前，都係差不多時間發生劇變。其實呢個時期，清廷唔打輸鴉片戰爭，又或者無戰爭，係唔會開始有美國商船要經過日本停泊補給，再行駛去中國。 180年後，中國又係一次重大的向下。然後又再構成海運响亞洲其他國家變得頻繁。 D 野係有關，只係點樣引起。 法國如果無大革命，係唔會有第二次鴉片戰爭。响1789年之前的法國係一個好傳統，好階級固定的國家，所有野都維持現狀。就連戰爭都係宗教戰爭，以及同鄰近國家互相報仇。 但法國大革命其實係因為農民同中產生活唔到，而呢個模式已經係1523年維持住。只係由於1783年冰島上有火山爆發，引起成個歐洲都失收，就算去攻打其他國家都搶唔到野。跟住仲要有旱災，再加劇左個狀況。 生存唔到落去先至係革命原因，不過法國出左事，其他歐洲國家都係遲早會出事。由1789年攻打巴士底監獄，被世界歷史定義為法國大革命的開始。跟住又武裝起義左幾次，1799年拿破崙政變得到政權。當拿破崙失敗之後，法國係無晒海外殖民地。再一次開始累積就係1830年，即係180年前的「八運」中間。 距離1848年成個歐洲發生革命有18年，呢18年係無乜安寧，1848年法國又再一次政權更替。 1830年的180年後，即2010年法國發生乜野事，然後搞到2010-2028年都有問題。呢幾任總統其實都有D 先兆，亦可以理解為2023年-2028年歐洲都會幾痴線。 歐洲出事，通常由一D 遠少少的地方引發。但又往往歐洲本身都有問題的基礎，只係時間問題。