Introduction to 八字 1701

 2022年7月29日，由於世界發生改變，許多人想「下馬問前程」。

八字用五行去將會發生的事，用一個現象去體現出來。因為這個世界人類的命主五行，從來都只有金、水、木、火、土五個。而五個五行亦有三類，陰、陽、卦。

八字沒有哪一個五行最好，亦沒有哪一個五行最差。每一個五行對於其他四種，都有一種關係，而關係名稱為十神，簡化為五類：比劫、食傷、財、官、印。十神亦一樣，沒有好壞的概念，財不代表發達，比劫不代表有事。

十神由陰陽衍生兩類，由命主出生日的陰陽而出。陰陽之間為「有情」，例如命主日主陰，遇上陽的五行就是「有情」。陰與陰，或陽與陽之間為「無情」。理由同上，有情不一定好，無情不一定差。

例如：你生左個仆街仔，你對佢有情，你就會幫佢還債，俾錢佢使、不論好壞任佢做所有事都唔使佢找數。咁係好定壞？

又例如：你老公註定唔愛你，當你係雞，但佢個個月俾錢你使，你零用錢多過一般女人的家用十倍，又因為佢唔愛你，你好自由，定時定候報到，同埋唔好出軌，就已經人生勝利，咁係好定壞？

好多人假定某五行或某十神是好，而某五行或某十神是壞。從而在命理上走錯路。

再舉例，C老闆返工每朝7點已經食完早餐坐响自己位開始做事，所以工作效率很高。每天員工9點返工前，已經將昨晚的工作清理，並已經安排好當日要分發予員工的工作，然後唔聽是非，唔容許有人弄權。C老闆，對於認真做事的人，是很好的老闆。但對於返工想爭寵的八婆而言，C老闆就是「不解風情」兼「好悶」的老闆，連講下其他人是非，老闆一句「唔係工作有關的話，唔好講其他人」。

以上，C老闆是好老闆或壞老闆，視乎你的角色。你的角色，就是你的八字五行編排組合。