日日實驗倉(30/10/2022)

 如果在28/10/2022 進行了設置，應該會錄得虧損，而這是營運的一部份。

做左咁多年人，已經唔習慣生命操控响人手上。對人可以信任，但唔係自己無能為力。任何一個同事，就算把口同你講到幾唔恨升，但佢都想穩定出糧。咁靠入左大機構任職諗住一世安穩，呢件事本身就係好大RISK。

呢個模擬戶口已經搞左一年以上，不過通常都係反覆，但總資金係會上升。
當然，一年只係多6367的原因係因為我做得太細。

RISK MANAGEMENT 本身就係一個學問：做得太細，就會好似我咁，搞完一年得0.9厘。但如果做得太大，連續輸5舖就爆煲，唔使翻身。

之前一日獲利68814，然後虧損62325，只係咁啱咁橋。更多的可能係蝕4-5個62325，仲要俾埋手續費，到果刻你仲有無信心去堅持落去。另一個可能，當你連續10日執68814，你可能會痴左線，覺得自己好勁。然後覺得可以買大D。以及覺得我太細膽。當我呢個玩左15年的人都唔覺得自己好勁，而你玩左1個月就覺得自己好勁。咁我只有祝你好運。

夠細心的人應該會望到張圖，我有大約半個月係無輸過，只執不跌。但時候到左，係要俾番佢。反而，如果真係一日執一日輸，咁樣平均間住發生，事情係好順利。

用返D 老手講法：投機就係贏51%，以及輸49%，中間果2%就可以養活一世。

未來呢兩個月，會繼續每日貼一篇當日的交易出文。呢個世界要賺錢，真係唔使聰明，不過就千祈唔好乞人憎。

==