腥講航空

 2022年10月18日，香港航空的債務重組將於31/10 在HK 法庭審議，以及在25/10 在UK審議。

債務有幾多？

其實只係62億美元，正正常常咁營運，淨係分拆出黎果間貨運公司，一年其實就已經有呢個營業額。當然，一間擁有獨特經營公司，香港航空同CCTVB 一樣，有好多董事同管理層，佢地人工又相當高，權力又個個都好大。但直接同客戶接觸或營運操作的員工，人工相當低，甚至成日有外行的董事落奇怪ORDER，佢地都無SAY 而照做。例如：Crew Attendant 的工作主要係起飛前2小時開始預備工作，直到著陸後乘客全部離開後，檢查返個機倉。人工就係咁支付。但呢間公司好獨特，有個董事忽發奇想，覺得如果Crew Attendant 可以順手清潔埋個機倉先至去TOWER 放工，咁就係一種資源增值。

62億美元其實未夠港幣500億，一張廉航經濟倉機票$3000，坐滿230人。加行李就幾十幾百咁加，其實總會有人加。而載客的同時，貨運先至係主要賺錢手段。由於香港航空係有商務倉，正常黎講，一間航空公司的商務倉大約20個位的價錢，已經等同左成程機的油錢。

HK 飛成田及HK飛台北，每日需求大約係3萬人次。就算15間航空公司分的時候，都成日有買唔到的位。不過，呢舖債務重組，機隊只會保留1/3，無睇錯，係CUT 走三分二。

即係參與運作去賺錢養公司果D 部份CUT 左，但愈養愈肥果D 癌細胞就由得佢長大。而呢堆癌細胞，就係當日用公司資金去買BITCOIN的決策人，而BITCOIN 跌左咁多，佢地無須負責。一個好有獨特色彩的營運公司。

未來呢間公司响HK 肯定有營運優勢，因為好多公司已經唔會再飛HK，即係分餅的人少左，不過同時個餅會細左。而呢間公司應該都會繼續養閒人，但由於CATHAY 對營運人員更差，人工更低，要求更離譜，工作更無保障。腥講航空响一個衰到無得再衰的同業襯托之下，當燶味同屎味對比之下，燶味都真係無屎味咁臭。