奇門速食表
2022 年11月，一個好忙的月份，因為改運機會好多。
客人其實都有幾種，資深客、認真客、天真客、無恥客。
資深客：
對我的認識深切，通常已經見識過出面的師傅S(識英文要加S)。通過比較之下，知道主菜唔係熱狗、炒蛋、三文治，反而係杯飲品(解渴)。
資深客對於我的指示，都會用方法去執行，將飲品飲盡晒，成功解渴。信任就响一次又一次解渴之中建立。所以，每次上山都有十個八個資深客，幾辛苦都會去。請唔到假就病假，有生意都唔簽都要跟我去水塘。大概就係知道杯飲品的重要性。
認真客：
好多時都係有親戚或老友(或閏蜜)係我的資深客，然後睇住人地願望達成。朋友搵到徒弟，响徒弟幫手之下，就會接左。認真客一定有所求，响滿足條件之後，成就會解鎖。
認真客形容我係RPG裡面一個NPC，係用來打機拎寶物。無左呢個NPC 一樣可以過關，一樣會打爆機，但有呢個NPC 的情況下，會拎到一D 商店買唔到的寶物。咁樣個GAME 會玩得開心好多。
對住認真客，就要幫佢地諗埋執行。因為佢地為了想得到，會願意付出很大的代價。作為一個合格的NPC，就要俾足夠及明確的指示。
天真客：
其實都係買棵菜搭條蔥。早十年左右，一個客黎見，會有一兩個朋友陪埋見。然後批的過程，當事人否認，但朋友又覺得「明明就係師傅講咁樣」。有時因為唔係講當事人想聽的，當事人好唔滿意，覺得「唔準」，但陪埋一齊睇果個朋友就覺得「根本就係咁」。
呢類客，明明無野問都會自動每年都自己搵徒弟，好鬼尊重。D 期又就鬼晒我地，一野約佢地四個月之後，佢地都覺得好開心。所以，當一有期空出黎，就會即刻問佢地得唔得。佢地又好爽快，得就得，唔得又唔會OCCUPIED 先算。所以，為左確保呢批客的荷包能夠每年繼續搵我地，每年都會俾份攻略佢地，務求令佢地賺到十倍八倍錢，下年可以再一齊「食飯」。
無恥客：
其實就係某D 原因，俾某D 人知道左師傅的身份。呢類人又只係知道有D 唔同，唔會知道有咩功能。呢類人就往往當人係通勝咁用，例如「我今日賭波贏唔贏到錢」、「我同財女性交之後，如果再行山，係咪可以雙料轉運」、「X 先生會唔會喜歡我，我能夠令佢送層樓俾我嗎」。
無恥客其實唔做佢地生意，我係每個响一開始已經講明唔做佢地生意。佢地好多時都同5-10個認識的人有聯繫(即係有數量的COMMON FRIEND、親戚、舊同事)，甚至每個星期都無可避免要見面。呢類人有便宜唔使洗頸，開口就貪得意問廢話，動不動就打電話傾心事。
所以，資深客及認真客唔會去計較「往事」是否100%準確。天真客因為有期望，佢地好多時都第一個師傅就係我，我就唯有好好去照顧佢地。至於無恥客，問野其實發口痕，甚至套話居多。(拿，你話我會好架，但點解我咁)
D 人睇完Facebook ，我就收到PM。
詳細的原理，無術數底的人3000小時都無法明白。如果睇八字睇到Intermediate 都理解及明白，都需要1000小時。
呢度講一個再HEA 的使用辦法，總之見到「座」「向」「時辰」。搵一間四方形的房，最好係無其他野。走入間房之後，關上門，响「座」的方位點蠟燭。如果想要「愛」，响呢90分鐘就可以SEND 訊息俾人(不一定是對象)，好快有拖拍。至於本身有對象，呢90分鐘就同對象溝通，但唔好兩條友一齊坐。想要「愛」，愛的定義就係對方好想見你，以及想同你一齊去街。
如果想要「性」，好快有機會搞野。代價唔一定係錢，但就係機會送上門。性的話，啟動過程用埋寫真，性的對象會愈接近寫真的外表。呢90分鐘係咪要睇實本寫真，又真係無乜影響到結果。想要「性」，性的定義就係對方想身體俾你摸，以及想摸你身體。
以上「性」「愛」都一樣，90分鐘就熄火，開門離開。未夠90分鐘有人入房，即係個天唔俾你有愛或性。呢90分鐘無事發生，而你手痕開門，閣下自誤。
留言