投資遞減理論

 2022年11月22日，關於這個亂世，當然要日日賺錢錢。

今場世界杯就肯定假得無法再假，主辦國會輸。甚至之前十屆都入唔到八強的隊，可能入四強。笑下就好了。賭可以，但以過關飛為主，一切以「細細本，多多場」。主客和過關又好，入球大細過關也好，總之就係過關。

最近响朋友度得知，連角球大細都有得賭。我聽到之後，就知道賽果唔使認真。入球多少還可以影響球員的職業生涯，角球大細完全與球員的生涯無關，根本無須任何巨大利益誘因，隨時兩隊可以與全球莊家約好。

基本就係角球細細地過關都夠去到20/12/2022。

至於投資，世界杯期間外匯市場基本停頓，外匯黃金都係模擬倉做實驗。唔會有太大的變化。全球目光去了QATAR，唔會响亞洲，更唔會在強國。

====

自從有智能電話，又有各式各樣的學習APPS。我又重操日語，然後又偷偷學韓文。點解偷偷??2018年去完南韓，女朋友本身話去北韓我先至肯去，落機果一刻無晒驚喜，因為去了南韓。然後住酒店，有條肥仔管家，我知佢用韓文粗口屌我，但我一個音都聽唔明。

但一返HK，部門裡最親愛的同事調走了。我做了全港最辣的一個場，忙到根本無法去學習。當時我的ELECTRICAL ENGINEERING 去到FINAL YEAR基本都係FINAL YEAR PROJECT，搞個智能農場果類野，用ARDUINO 寫條爛鬼程式去推動4-8個3-12 V的工具，例如MOTOR、LED、灑水器，咁就過關。2019年因為政治緣故，學校停課，拖到年尾先至畢業。到我畢業之後，政府停辦舊制課程，我成為HKCEE分數入學的最後一個畢業生。

同投資有乜關係？

學一D 有用的事，係人生最大的投資。

但學野呢個投資係有衰減。舉個例，當你學英文學到HKCEE 拎到條A，係可以有助你升預科以及將來考大機構。然後HKALE 英文拎到條A，其實作用同HKCEE 英文條A 作用唔係好大分別。係有用，但唔夠HKCEE 咁耀眼，但HKALE條A係辛苦十倍。

然後，以男仔為例。如果HKALE 之後，假定分數夠，而能夠忍住情感的需要，走去讀HIGHER DIPLOMA。VTC 基本上任何一科搵到食的神科，都可以入到。以搵錢角度係大大大過拎住HKALE 經過死人JUPAS，俾人嫌棄完一輪，再入一科都唔知搵唔搵到食，以及自己又唔知喜歡定係人有我有咁讀的DEGREE。

呢度已經係一個能量衰減。須知响DEGREE 拎個FIRST HON，天才唔好計，家境真係有返咁上下先至可以做得到，至少讀書果三年老豆老母唔好搞你。你仲要期間放棄部份出去打工的時間，令到自己財政好緊縮咁讀呢三年。

但與之相反，一個HIGHER DIPLOMA仲要係搵食科或專業科，讀緊書已經可以拎住去搵工。返住工，响無經濟壓力之下，又累積埋工作經驗。以投身社會角度，及投資回報計算，呢個係大過DEGREE。

同樣道理，响BSC, MSC, PHD 比較，亦差不多。每多一級回報一定有增加，PHD 點都多過MSC BSC，但唔係按比例而係遞減左。

所以有人同我講「如果你當年讀左大學，你而家就會點點點」首先無如果，然後其實我有讀，不過無畢業，但拎左三個專業科目的牌照。

其實我去到31歲，先至發現自己有數理同語言天份。讀ENGINEERING，數學比A MATH深好多倍，但唔知點解就拎CREDIT咁畢業。自從發現有NHK之後，就開始聽NHK日文，聽下聽下又好似知道佢UP 乜。

關於學語言，其實英文的衰減理論又適用於其他語言。當你學英文，學到識鬧交就夠，再學落去回報就會每級衰減。HKCEE 最高，HKALE好有用，HIGH DIP 已經好夠，DEGREE 只係錦上添花，試問叻到可以即時傳譯咁勁，又有幾多份用得到呢個才能的工作？

學日文學到睇劇唔使字幕就好好了，去到日本點餐同旅館可以溝通就已經足夠。再多唔係無用，又係投資衰減。

當去到投資衰減，其實就應該學下一種語文語言。

假設好似舊制會考咁分做十三級：由U(UNCL)爬上E(10)係最容易，呢個有如學日文的平假名同片假名，五十音同埋濁音都背L 晒，時間唔會超過一個月。效果顯著，當然唔係好溝通到，但已經有用。

但同樣再爬 4 個細級上去C(06)，就可能係生活上的日文，都係半年之內解決。可以小規模咁同日本人討價還價，講下數，去下餐廳點野，再同老闆嫌棄下D 野唔好食。爬呢4 格最大作用，時間唔會超過180日，有一半問題都可以口講口賠。聽唔會聽得晒，講唔會講得太叻。

再上就已經唔係 4個細級咁去，C (06) 去 B(04)可能都搞半年。有用，但回報開始唔吸引。B(04) 去 B(03)可能又再半年，係會溝通順左，但已經唔係MUST，係去到SHOULD。

會考係咁，讀書係咁，學語文都係咁。時間係得咁多，又唔係要做D 咩專業野，再擺多D 回報唔係咁吸引。尤其打完疫苗第三針，愈來愈無集中力同埋體力。就開多一條線，EXPLORE 另一個世界。每一種語言去到C(06)，果個國家D 人能夠認同你係自己友，我就覺得夠。

暫時未搵到D 咩好APPS，用住DUOLINGO 先。如果有朋友搵到其他好用的語文學習APPS ，留言俾我。