無緣由(下)

 

呢位阿姐講的是紫微斗數，然後佢覺得自己識睇。

由於十年前諗住自己係幫緊人，最後由於「唔使錢」以及「無代價」咁俾人問。結果，由最初的認真問，變成了隨便問。到最後變成發口痕。

結果，真係有需要的人反而幫唔到，貪便宜果D 人就每次OCCUPIED。

又因為最終演變到發口痕，俾左果D 建議都變成「有價講」。例如，我建議23/5/2010先至好轉工，29/4/2010 有一個OFFER ，都係TAKE OFFER。然後，當事人就23/5/2010 第一日返新工。就當自己符合左我建議。不過，六個月之後過唔到Probation。

後來當事人同我反目，認為多年朋友都計較，不去幫她反而「害」她失業。因此，後來這些「朋友聚會」就不再參加了。對於朋友認為我的「所作所為」，我已經不想作出解釋。到後來，呢一班已經識左我接近20 年的人，有時會提出「我願意俾錢做你個客，你幫下我」。

反正就係事後解決了，只係口講。
好多人份工本身都係動口生財，用口解決問題。
當佢地又覺得自己應當去收人工，但就覺得我唔係出左好多力。

當然，一個術數能力不低的人，其實要用術數去改善自己生活並不難。久而久之，知道「術數」呢個技能的人佔生活圈子的% 就愈來愈低。

人生，其實係一個RPG
限時43800日內死亡
「術數」的呢係技能潛質，亦係大類的總稱。

分為「山」「卜」「醫」「星」「相」

由於時間有限，知識無限。我亦只集中在「卜」與「星」升LV，「山」「醫」「相」叫做有就算。唔同人有唔同SPECIFICATION。

有人有「語文」呢個技能大類，至於係「英文」「法語」定係「日文」，就係另一種選擇。

亦正如「科學」，究竟再專响「生物」「物理」定係「數學」。