2023 癸卯流年

冬至對於我黎講，係一年的結束。幫客人睇，服務到冬至。

 關於睇自己流年，話簡單，又真係好簡單。

用其中一個MODEL 黎講，然後應該大部份人都識得好簡單咁睇自己。

==================

命主性別：男
出生時間：1985年03月16日09時07分(需修正)
八字排盤
　　　　　時　　　　 日　　　　 月　　　　 年
　　　　　才　　　 　日主　　　 財　　　　 劫

乾　　造：戊　　　　 甲　　　　 己　　　　 乙 (日空:子,丑)

男　　命：辰　　　　 寅　　　　 卯　　　　 丑

藏　　幹：戊乙癸　　 甲丙戊　　 乙　　　　 己辛癸

　　　　：才劫印　　 比食才　　 劫　　　　 財官印

=================

講都明簡化，就只係用日主，其他七粒一概不用。

癸卯年，天干係癸，即係見得到的事係癸；反之，地支係卯，睇唔見但確實存在的係卯。由於天干與地支五行不同，表面與實際會有相差。天干生地支，即係表面的事會存在，但會漸漸消失。

以MODEL 為例，日主甲，流年天干癸相對於甲的關係就會係「正印」，至於地支卯相對於甲是劫財。

不論喜惡去觀察：
正印生劫財，首先會見到的現象是「跌錢」、「唔見錢」、「要使錢」，因為在五行上大大力壓落去。
正印透出，一個現象是上司得勢。會有比較凶狠的上司出現。至於第二個現象是有一個置業機會。不過，由於劫財的緣故，應該無乜錢去買。

而有了一個旺盛的五行，必然壓制另一個五行。

由於水生木，必然會損害火與土。如此一來，會有大量下屬分離。在下屬分離後，男命MODEL就會發現妻子的身體有難治之症，但不是即刻死。如果是女命，則是奶奶有病，老公的老母會有不治之症。由於是流年，睇人死唔死得去就唔係「癸卯」兩個字可以判斷。

不過，女命發生的「奶奶有病」會明顯比男命發生的「老婆有病」嚴重一百倍。純粹用「甲」日主去推斷及示範，唔會所有甲命的男人在2023 年都會死老婆，或女命死奶奶。只係無病會變有病，有病會變大病，大病可能會死。趨勢就係咁，唔關信唔信的問題，唔會「不信則無」。術數本身就係一個天文台，話俾人知就快打風，農作物要點處理。