日向坂46
關於我會沉迷日向坂46，其實有一段好轉折的故仔。
話說2017年我其實都仲係聽緊HELLO PROJECT下面的兩個團「アンジュルム」同埋「つばきファクトリー」學日文。果年下半年無返工其間，話說有一日，天陰又未落雨，我行响海邊。當時海邊有條金魚主動游過來，仲游埋上手。咁啱手上有一個密實袋，條金魚就唔反抗入袋。我就運左佢去九龍站ICC，一個朋友的OFFICE 養住先。
就係因為條魚响ICC，我就成日去ICC。就識左炒家猶太伯Lawrence，以及他的幾個徒弟。其中第四徒弟(以後簡稱「四師兄」)就因為大家都聽日文女子組合，同我比較老友。嗜好就係開始人與人的交往的鎖匙，响交流之下我知道了「けやき 坂」，但無特別去關注。
到2020年响我返緊工時，女朋友放假响屋企睇NHK，就同我講NHK有女睇。到重播果日，我見到有幾個女仔個樣好熟面口，就同四師兄求證。發現已經改組左「日向坂46」。
由於呢個求證，令四師兄認為我係自己友，只不過人太遲鈍，佢就開始教我睇日本外匯書、日本新聞同twitter炒匯賺「生活費」。由於呢個正向循環，我而家我都唔知自己究竟係中意錢定係中意日向坂46。
留言