中線執下錢(18/1/2023)

 

2023年1月18日，其實每日都要睇30-60張圖，睇下有無機會。無就唔好夾硬做，有就等下。咬得到就唔好錯過，66.6%勝率的交易，相比日日賺錢錢會多D。出現密度就低，以月線圖(M1)做例子，6年只有3次。即使用埋周線(W1)、日線(D1)，都唔會太多。因為中線的勝率建立响中線交易上，短過一星期基本就唔使睇。

2023年1月18日，睇報紙睇到加拿大新聞，好多負面新聞，但加拿大兌瑞士竟然升。咁我就覺得有鬼，開張圖睇下。已經跌盡及跌無可跌，上個星期仲上返去1 SD之內。

唔使講喇，以入市價黎講0.68880 ，止蝕用返過去一個月低位0.6780，都係100 pips。至於目標，用SMA 20，即係0.70911，就有203 pips。當止蝕100 pips而目標203 pips，非常之抵食。

另一單就係AUDNZD，又係好食。與CADCHF(W1) 相比，AUDNZD 係日線(D1)，講準確度就肯定係M1>W1>D1。呢個炒法最低睇到D1，其餘唔使再睇，因為無準確度可言，跌完可以再跌，升完可以再升。只有D1, W1, M1，甚至W2, M2, M3，才有效益。