2023年1月8日 講下攻略

 世界景氣唔好，就好多人想轉運。

而批人的準繩，我一向都無追求。
我成Q日都講「把口生响你度，你想點屈人，其實無人阻止到你」
我响呢個世界的角色有少少似金庸群俠傳，俾攻略你果個人。

1980-1990出世的HK男 應該點都有接觸過，喜唔喜就見仁見智。

以前打餐死先至响臨爆機得到「左右互搏之術」，磨LEVEL，係咁野球拳打空氣，打完一粒鐘，由LEVEL 1 升到10。然後拎住黎周圍贏晒五大劍派同少林、武當、全真，打柒埋郭靖同喬峰拎射鵰同天龍八部。

我的角色就係問你想要乜叉野，我講人生。
有人成世都係報仇，最大嗜好係睇人仆街。
有人喜歡搞人老婆，但搞到上手就會飛。
有人喜歡儲蓄，儲到幾億身家都唔會捨得用。

呢條片的方法就係一種左大師啟示，呢三年有好多無聊人同我講「GFHK SDGM」。但究竟想GF成點樣先，大笨象因為有象牙，所以世世代代都會俾人追殺。GFHK 如果變返人人日日返工去工廠，六天工作有長短週，你制唔制？

定係已經上左岸，想GFHK到變返可以繼續收租，又係另一種野

好多人已經深入了一個農民與地主思維，認為「有土斯有財」。

土地的擁有人從來都不是「使用者」，而是擁有「政治能量」的人。
「政」即係眾人之事，「治」即係調動及調節。土地可以由一個國家交俾另一個國家，但從來唔係人擁有。和平時間一旦長左，人就唔記得左，政府可以有權拎走你。

呢D 位，英國人真係好老實，講地明HK 賣地係「批地」，講到明係「期間使用權」。到期之後要再簽及補地價續返佢。不過，講99年及999年，暗示FOREVER，如果無事無幹就大家唔好咁煩。

至於強國就老實不客氣，同你講70年、50年、30年。30年的意思就係，當你供完之後，就即刻唔再屬於你。你要再補地價，再按揭俾國企銀行，再供一定年期。

所以，土地呢樣野值錢，前提要政治同經濟好穩定，世界好和平。而唔係用地少人多、供求、地球人口不斷增加，呢三樣野去氹人。

強國最多人口的時候唔係公佈出黎的14億，而係40億人。但地價只係HK 的5%(20分1)，在於政治及經濟。

世界的製造業已經到了一個頂點，逐步變成一個分工的世界。不同國家負責不同生活需求的生產，至於妓女的生產國亦不再是強國佔最大市場。強國女工式的加工業已經只能養活1960-90年代的1 ppm(1百萬分1)，生產效率已經由勞工密集轉向資本密集，再轉向能量密集。來料加工的勝負決定因素，已經不再由勞工價格決定。

由於勞工需求降至1ppm，工資的多少即使上漲1000-10000倍，亦是一個可忽視的支出。反之，能量方面卻是一個重大的決定因素，例如：運輸、能量自給、能量來源。海運的能量成本是空運的10%，鐵路是空運的50%。沿海地方的能量優勢必然比內陸高，平原地方必然比山地高。

又由於決定生產效益是機械，機械的維修保養即是生產線的生命。能夠自主維修的地方必然能夠保留生產，需要借入維護人員的地方必然會較低效益。

在這幾個前提之下，Don't 管(廣東話東館)在1980-2010期間能養活的人數，即使再次工業化亦不再有這個人數。我曾經參與的NIKE 鞋是一個例子：

以前每個月生產1000萬對NIKE 鞋，由裕元工業在Don't 管開廠，全盛時期養4萬人，分兩更。包伙食及住宿，朝早0600-1500一更，1500-2400一更。

後來最低工資其實都無乜野，但頂唔順Don't 管市政府搞好多無謂野，成條線剷左佢。跟手搬去德國，仲要响柏林呢D 咁貴地方設廠。

不過成本就仲低過Don't 管，因為成條生產線得返15個人，24 小時生產。有9個人係機械維護，6個係QA，即係拎D Product 抽樣放入部機度測試。而且仲要係交通發達地方，又唔使用貨船由亞洲經馬六甲、印度洋、中東、巴拿馬運河，運輸都短左35日。

呢個情況只會重覆發生，山長水遠去Don't 管做廠，都係因為錢。有錢先可以租屋同買樓，咁土地先可以有需求。4萬人變15人，就算條生產線唔拎走，宿舍都會縮水。更何況成條線都無埋，廠都吉埋。嘈都唔使嘈，亦唔使示威遊行，果15個人工用歐羅計，4萬個用人民幣計，就算1000倍都無所謂，加1000倍俾你都仲有得找。

就係因為咁，事實就係：「唔使驚，越南唔會搶得走。因為成條生產線會變無人生產線，去邊都得。」亦都係因為咁，人口老化其實完全唔係問題，社會要負擔幾多%老人都唔係問題。因為根本無咁多工作崗位俾年輕人，就算社會人均好年輕都無用。年輕人都係被迫HEA 日子，就算15-64 歲人口與65歲以上人口去到1:1(一比一)都無所謂。世界對於工作人員的需求跌到1 ppm，就算15-64 歲人口只有65歲以上人口的1/3(一比三)，其實都唔會有問題。

世界有兩個行業要人，而且歷久不衰。自從人類有私有財產之後，就有了妓女同埋打手兩個必須養人的職業。然而，自從電腦愈來愈進步之後，科技愈來愈先進，由愛情動作片演員及運作人員，去到動作從業員的需求有減少趨勢。人工智能(AI)已經能夠按照需求，能夠在沒有實際進行的情況下製造出劇情。一次的12小時拍攝已經可以演化出144小時的電影，並且趨向愈來愈精細及真實。至於從業員及服務員，由於電子設備能夠提供的滿足已經趨向接近滿意官能刺激，部份官能刺激超過服務員提供的服務。在這個趨勢之下，對場地的品質要求會日益提高，而數量則會日益減少。

至於打手，更加唔使講。合法果D 叫做軍或警。由於科技進步，攝影機已經取代了觀察者的工作，情報人員的數量已經大幅下降。無人機的出現，令打手的需求減少。甚至門禁系統已經取代了保安，保安從業員趨勢亦由勞工密集轉向資本及能量密集。始終保安崗亭的空間比較大，亦需要有饍食休息，以及如廁休息；但無人化之後，閘門只須配置RFID 及鏡頭，以人臉識別的功能即可節省一日三更人手。最終的演化可能是兩三個控制室，以及兩個休息室，只有少數人配備AI 一同監察，遇上情況亦只用通話及通訊器材與訪客、業主及租戶溝通。

世界趨勢如此，是否躺平或是否努力亦無阻大勢。每一個行業需要的人數都在減少，而在人數減少的同時，效益在持續提高。薪金已經是一個無關重要的成本，求職不會及不能再有價低者得，以無止境OT(無償加班)去討好資本家的機會是0%。因為每個工作崗位趨勢都在追求效益，而非廉價時薪。

這個社會趨勢之中，必須首先投資自身的效益及技能。趨勢走向專門及專業，與其懂得做辦公室的事，以及懂得做很多繁瑣的事，不如集中精於一項自己有興趣及擅長的事。礦業的人不必再懂得與客戶溝通，電機工程的技工不必再懂得通渠，開鎖佬不必再懂得電氣。做自己擅長的事，做到最好，世界只需要最好的人。其他的人已經不再需要工作。

Reference:
https://www.youtube.com/watch?v=zmPSU4D8dmw&t=1637

https://web.archive.org/web/20220711201022/https://www.reuters.com/article/us-china-usa-pence/pence-backs-hong-kong-protests-in-china-speech-slams-nba-and-nike-idUSKBN1X323V

https://www.reuters.com/article/us-china-usa-pence/pence-backs-hong-kong-protests-in-china-speech-slams-nba-and-nike-idUSKBN1X323V