中線執下錢
2023年1月17日，繼「日日賺錢錢」系列，由於系統問題，已經一個月都CAP 唔到SCREEN。
同埋LOGIN 入去之後，完全出唔到圖。無以為繼，到搞返掂之後，又會再每日UPDATE。
日日實驗倉，係可以日日做，本身都有一定的條件要求下才可以成單。
至於中線執下錢，中線有兩個意思：
1, 中間線，亦即係移動平均線
2, 長中短線的時間，亦即係持有時間係1個月至3個月
日日實驗倉係每日限時限刻及定量去進行，不能多。實驗已經證實長遠係可以賺到生活費。
至於中線執下錢，亦定量執行。但要求更嚴格。
中線交易首先要看Weekly(W1) Chart，W1 決定升跌。
關於中線交易就係作用同反作用力，但不適用於短線或長線。
短線係無得去推算，因為短線係受到不理性人群的推動。
長線係跌完可以再跌，升完可以再升。
只有中線，先至有一個理性反彈。
由於理論比較抽象，以下係幾個例子：
USD/JPY ，以上是Monthly (M1)，沒有永無止境的升，有作用力必伴隨反作用力。要去捕捉反作用力，就是當一個持續上升之後，倘若後勁不繼，就會出現一個若干質量的反作用力。
世界其中一直都由牛頓三大定律所控制，一旦發生失速，由上升變調整，乃至下跌。
升完未必一定會跌，但如果已經「唔夠力」，就會有聰明人走先。
就以呢張圖，2014年發生過一次，升到唔夠力再升，跟住就墮落去中線。
至於中線之後仲會唔會繼續落，乃至形成暴跌。呢個就唔係我地需要關心的事。
中線執錢的方針同策略都在於「中線」，不論時間又或位置都係中線。
只要價格由more than 1 SD 跌入 1 SD，即係調整開始，就會有一個中期的人踩人。人踩人就伴隨好多屍體，好多屍體就點都有D 肉碎可以食。每5年左右就會有一次，上次係2014年同埋2020年。
2020年跌唔落，就會人踩人推左入去1 SD。入左 1 SD ，人踩人的速度同力度就會好勁。兩個月就收工，之後再點樣升，唔關我地事。因為呢個中線策略係每三次必有一次失手(Win 66%)，但如果另外兩次執到，係夠養家。
又例如係EUR/CHF，都係M1。經過漫長下跌之後，久唔久都會向上抽下，但要抽到入左 1 SD 範圍之內，就往往伴隨一個有力的人踩人，推到埋去中線(SMA 20)。
由2015年至2022年有三次，2023年係第四次，每一次成唔成功其實事前無法估。亦都唔使睇新聞，呢D 中線一定係有價格然後有新聞。即係跌完或升完，陸叔(我果個年代係陳永X)先至出黎9UP分析，但太陽底下無新事，呢一百年黎都係先有價格後有新聞。
抽完之後會唔會再上，完全唔係關注項目。
我地要做的就係當個價錢抽入去1 SD區域，就入場。如果去到月尾抽返出去，證明人踩人到此為止，我地就迅速離開。
留言