通脹終結

 各國開始將舊武器捐贈予烏克蘭，用途是用舊武器去消耗俄羅斯的戰鬥力。

對於本身彈藥缺乏的俄羅斯軍，當烏克蘭再增加一堆武器，俄羅斯便要再消耗武器去對付。

戰爭開始愈來愈難以持續，德國見勢頭不利就開始調整外交政策。

俄羅斯打到不能再打，死到不能再死，軍事行動的規模縮細，俄羅斯就只有賣能源。中國即使全面開放，即使石油需求上升，但由於無錢買，亦不能買到石油。即使伊朗繼續賣石油予中國，到了中國沒有錢，中國-俄羅斯-伊朗這個供應結構就會結束。

加息速度會變慢，但有排都未減息。

全球房地產泡沫在過去20年已經去到一個不能持續的價位，如果利息加得快又減得快，不足以刺破。但剛好遇上了加息慢，而息率持續的狀況，就可以令投資的錢從房地產走到銀行。

由於住屋係其中一項通脹計算項目，這個全球房地產的回落正好是一個核心的通脹回落。

至於能源，通常都係大大力加，細細咁減。生意有邊個唔係賺錢，成本貴，加價；成本回落，象徵性減少少。

不過，必須清楚係：價格係一回事，有錢買唔買到。

情況係，當價格下跌，賣一件蝕一件，邊個賣俾你？

情況如同HK 樓將會响跌到2009年果口價，就會死寂。

有一套樓價指數，與中原指數不同。

樓價的構成因素，排名分先後：
1) 負擔能力
2) 就業機會
3) 交通
4) 社區
5) 面積
6) 需求

沒有負擔能力，幾好都無用；同樣道理，需求是建立在以上五個之上。無工開的話，D 樓賣俾阿水咩？

負擔能力同就業機會有乜分別？
一個係剩到幾多，一個係搵到幾多。搵到幾多如果無剩，係建立唔到人類文明同埋貨幣系統。

搵得到同埋儲得起，先至有得去揀。
至於交通，呢個係好重要，所以第三位。
北區、西貢同元朗好多村屋，每月租金响最低工資$40，都仲可以$9000租700呎頂樓連天台。
呢D 月租一萬蚊有找的村屋都有共同特徵，都係要駁一程小巴出鐵路，然後先至可以靠鐵路出去。
條路好多時都單線，或雙白線，巴士線都行唔到或養唔到。好多時等小巴都半粒鐘，先至駁到出去鐵路。

社區如果好，可以令一個偏的地方值錢。例如赤柱交通都唔方便，但個社區好。

其他就唔逐個講，而家建築面積呎價就已經由14000跌到9000；實用面積由17500跌到11000。

當然有人會鬥氣，拎啟德出黎講。
啟德貴係貴在成本，同埋有一個展望價值。
啟德本身係舊機場，要清除污染，要有一個龐大開支。至於展望就係因為西環而家要將幾個政府部門的總部搬過去，催谷果一帶成為一個重心。黎緊稅務局搬過去，自然會帶走部份灣仔人流到啟德。陸續有其他部門移過去，然後客仔過埋去，而家就係炒緊呢樣。

不過條大數跌緊，點谷都係向下。未來HK 的核心通脹可能會出現冰火兩重天，食品能源升，住屋跌。