HK 美食 (F001)
HK 美食有一個特點：只要開分店就會變難食
FORMULA ：
第一間店好好食=> 坐到爆=> 排隊訂位=> 訂位都要一星期=> 開分店
分店數量增加=> 名氣愈來愈大=> 質素難以為繼 =>TBC
TBC 有幾個結果：
1) 上市，然後印股票，原本個老闆套現，然後間公司除左原本果個名根本唔係原本間公司。
eg, 翠華
2) 做大左，然後因為利益，又搞到分裂左。好食同唔好食的分店，好大分別。
eg, 譚仔 VS 三哥
3) 分店愈來愈多，跟手原有班底做唔切，請人幫手做。漸漸又因為供求問題，採購材料以及品質就會係咁跌。
eg, McDonald, KFC
4) 見到好賺，好多蝗蟲入行，大家鬥到遍地開花。講得好聽叫百花齊放，但其實大家都難撈。原因係同類店响同一個小區，搞到同區業主可以齊齊加價，利潤都去晒業主手上。
eg, 酸菜魚、米線、火鍋、放題、居酒屋
5) 就係今次主角，季季紅有米豬。曾經好好食，就算位於藍地都坐爆。跟手因為自由行，開好多分店，但其實跌左質素而佢地自己唔知。好明顯有D 港島食店因為方便，成Q 日約人灣仔食。灣仔其實競爭好大，咁就將貨就價。不過，由於疫情關係分店都執晒，又去返最原始第一間的狀態，質素又恢復。
到埋枱時，係裡裡外外都係熱，同埋熟度剛剛好。
伙計擺低俾客人影完相，2分鐘內就即刻拎去剪開，油香同飯香係完全無法抵抗。
留言