HK 美食 (F002)

 HK 食海鮮，有幾個位置，但都係要識門路，否則都係「瓜多過菜」俾人劏。

花雕蛋白蒸蟹

蒸龍躉

蒸鮑魚

鮮蝦仁炒飯

芝士龍蝦

蒸扇貝

西貢碼頭一帶海鮮酒家係好密集，早十幾年前，同一位叔輩去西貢，絕對無呢個質素，但人均七舊。

較早前，因與西貢琟鄉紳結緣。佢地帶我去試好野，再加埋人與人之間的互動，已經大概掌握邊幾間無伏，邊幾間好伏。全記的裝修同位置好適合溝女，以及同遊客去打卡，一張又一張大圓枱及細方枱响海邊，感覺好鬼風味。食物質素其實就十幾間都差不多，但愈近碼頭，係愈貴。去到轉彎又轉彎的地方，又會驚黑店。

不過，食質素定係食裝修，真係要睇人。

鄙人認為有時候係需要食裝修，但如果唔係食裝修而係食質素的時候，間店舖夠乾淨，都值得收貨。

唔幫人賣廣告，想知邊間可以留言，我會PM 你。