黃大仙與車公啟示 2024

 2024年，如同之前每年都會有「香港代表」去為HK 祈請神明啟示。

以下是兩個神明的指示：

黃大仙第32籤「蘇武牧羊」：

籤詩「十九年前海上辛，節旄彫敗逐沙塵，餐毛嚼雪誰憐我，惟有羊兒作伴群」

而車公則是第15籤：

籤詩「斧斤持以入山林，未得之時那處尋；損了良材失卻力，獻君留住待春臨」

======================

黃大仙講果樣野唔係19 年時間可以返到漢朝，簡化故事係咁：蘇武做主使出使匈奴，其實單野已經搞掂，準備返歸。但返歸前，副使搞事，全部人俾匈奴捉住。然後蘇武唔投降，但副使投降。故事係未完，蘇武俾匈奴擋住左，拎左去西伯利亞，即係今日俄羅斯中部地區，果個位置放羊。捉左第二年，漢武帝和戰無常，呢頭和，果頭又戰，蘇武個FRIEND 李陵就因為咁，同李廣利都俾人派左去打匈奴。個時代背景係講緊漢武帝晚年(104 BC)，已經唔係太清醒的時候，果陣已經唔係必須要去搞匈奴。反擊匈奴係(129 BC)，即係廿幾年前。

蘇武的忠誠，佢老細漢武帝係唔知道的。

原因係响蘇武返漢之前，漢武帝已經死左。

由李陵口中就知道，其實個國家已經變成唔合理。由李陵個故仔就會知道，李陵俾人捉住，其實就算有無投降，當時通訊咁唔發達的年代，身在長安的漢武帝就以耳代眼「聽到」李陵投降幫匈奴練兵，就殺晒李陵全家。

至於蘇武的親人，佢阿哥同細佬都因為漢武帝發神經而死左。但蘇武繼續為漢武帝守節，無視一切，無視老闆根本睇唔到聽唔到。

講到呢度，係咪覺得有少少似？

黃大仙好明顯係向中上層講；車公就係向中下層講。

車公就好直接叫人躺平，乜都唔好做。因為時機未到，而家做乜都係浪費體力，同埋浪費資源。車公講個故仔係無HISTORY，但有言論係孟子。孔孟都係儒家，但方向係完全相反。

孔子係叫下面要順從上級，一切都要有序。孟子係話上面聽，一切都係相互關係，上面要得到一D 野，係要對下做出一D 對應的行為。

呢篇野係孟子，表面上係叫上面唔好亂黎。實際上係叫一般人乜野都唔好做，因為而家時勢唔容許勤力，做黎不單止無用，可能會惹禍上身。咁簡化為兩個字就係「躺平」，再深少少就係「待時而動」。

至於幾時係春，無講。但肯定有排。