2024年 加息期

 美國 3 月份通脹, 3.5%(年增長)，美國已無法承受油價上升。如果上年係0 %，今年就咁3.5% ，問題唔係太嚴重。但2023 年本身基數都高，2024 再黎3.5% 就好大鑊。扣除其他非核心部份，Core CPI 其實有3.8%，而能源為關鍵因素。

電動車或其他環保方式，其實令到美國通脹更勁。電動車能源都係電網，當電網供電仍然以煤油氣三樣石化為主，根本無環保而且充電過程有能源散失，因為浪費能源更加不環保。至於風電、太陽能，其實每度電的成本是石化能源的 3-10倍，會令通脹更大。

人類在2022 年的錯, 在於低估美國加息速度與幅度。2022年，世人估計加到3%，然而加得快而且加得多。

當俄羅斯同烏克蘭搞左2 年，而家第3 年。人類 2024 年的錯, 在於高估減息的幅度及速度，憧憬及預期都是錯的。首先有一個俄羅斯與烏克蘭的情況會有終結的假設，但俄羅斯烏克蘭邊境已經成為「歐盟美國VS中國伊朗俄羅斯」的一個小戰場。有D 似春秋，齊VS楚、晋VS齊、秦VS晉，呢D 大國之間無正式交戰過，但中間涉及莒、蔡、衛等等，800 幾個分分鐘連個名响史書都只係見過幾次，但响佢地土地上，就係大國戰場。表面上可能係陳同蔡之間，但原來係齊魯晉交戰。

以上的大國戰場有好多個，紅海又係咁，以色列又係咁，波斯灣又係咁。但就唔係兩大勢力之間角力，無咁簡單。再加上2024年4月8日，發生完日蝕，2024年10 月再會日蝕，人類係會痴痴地，呢個係另一個TOPIC。主要係兩次日蝕都响美國本土發生，美國一定大大鑊。

美國現在作戰的戰線有幾個：

1. 東亞海洋

2. 紅海

3. 波斯灣

4. 烏克蘭

2024年4月仍然睇唔到可以點樣結束，所以「fed next rate move is a hike」係由美國發出的言論。

咁樣打法，金價升多過跌，減息的機會愈來愈少, 減息的時間只會愈來愈遲。

4 個現有戰場，以(3)波斯灣最大影響力。霍爾木滋海峽好容易受到伊朗影響，每日有1700 萬桶石油經過，佔全球需求17%。但就有全球1/3 天然氣經過，即係有咩事就無33%，而呢33 %需求就會轉去石油同煤，都係會搞到通脹。但以上情況，响伊朗每日可以出到300-400 萬桶自己的石油，自己有錢收，就唔會搞到大家無錢收。一旦伊朗呢8700 萬人口的生計受影響，咁一定搞埋全球陪佢一齊乜都無。

而(2)紅海，也門胡塞武裝組織，紅海攻擊商船，就係現在進行式。紅海的無差別攻擊，已經為通脹升溫。金價2300 美元以上企穩，似乎有道理。

咁樣落去，美國聯儲局一定要保住美元响世界上的購買力，加息係最有效手續。但以上4 個戰場，兩個現在進行式，兩個將來式，咁就會入左一個循環。

因為局勢不穩，油價升，美國加息又會令窮國家經濟不穩。好多財經評論仲係睇緊油價80-110 美元，但咁搞法係上200 美元都唔出奇。產油國因應運輸風險，點都要調高價錢，同時又因為紅海(2) ，運輸成本又高左，以及供應又少左。當供應少左，無論咩價位，歐洲都要焗買。但又因為歐洲俾得起，點都會高少少去搶供應。

當油價搶高左，運輸成本高左，每件貨都會貴左。咁又係一個通脹循環。响去到200 美元以上之前，都係會搶貴油價。連擴大出貨都無乜可能。當去到200 美元，航空公司又可以有借口加價，羊毛出自羊身上，你加佢又加。直到有一日地球上的旅遊業同運輸業受到衝擊，呢個通脹循環先可能會停。但响佢停之前，貧窮國家未必承受到高油價，經濟會停頓。

為了响呢個能源價格及通脹之際，保住美元購買力，美國聯儲局點都要加息。而以上只係伊朗未出手的假設，當伊朗出手封鎖海峽，油價就唔係200美元可以止步。

至於供緊樓望美國減息，似乎無望。呢個形勢，油價上200 美元係趨勢，美元利率升上7-9 厘亦係趨勢。