26AUG2024

 講下戰略方向，其實可以預計世界只會向大鑊或好大鑊發展。

世界只會RISK OFF，只係响RISK OFF 的過程唔會一條直線。

上圖係AUDCHF，W1，最典型的RISK OFF 時間會下跌的圖。

22AUG2022 已經開始「逼你發達」，慌死你唔醒覺13FEB2023再黎多次。

呢個係容易炒的一對，就算W1錯過了，仲有D1，甚至H4。上車就坐穩，然後等呢個世界亂成一團。

與之相反，USDCHF其實仲未破到上一個低位，唔可以稱為一個跌勢。尤其SEP2023 反彈係高過MAY2023，APR2024又係上去一個高位。咁樣係會令好多避險人士離場。

AUDJPY話緊你知，個遊戲已經完，要準備走佬。睇往績，應該會有一次PVT 轉綠，再上去102-104 ，之後先至肯跌。

又係果句，EXOTIC 唔使講，根本就係「逼人發達」

錯過了TRY，可以諗MXN。

個勢就黎緊架喇，而家都仲未，但等到極可能都係2025年。

JPY 尾的EXOTIC 有個優勢係「輸贏都係JPY」，唔會贏一堆TRY/MXN返黎。TRY ，問心，去土耳其旅遊都係帶美金架喇；去墨西哥咪又係使美金。

响呢個形勢之下，北歐的穩定同埋自給自足，反而係唔炒得的理由。

出面美元104 跌到100 ，但兩隻北歐SEK及NOK都仲係打橫，係咪激死人。