10 MAR 2025 天赦日

呢個世界好多野，講出黎好簡單，但做出黎好複雜。

天赦日條公式，只係春寅夏午秋申冬子，春秋戊，夏冬甲。

係咪好神，又真係有D 妙用。

最常見係道家作法>種生基>修墳，講緊個天會原諒你。甚至成全你。

 以上三個從根本上，都係運用天地靈氣，將生人/死人的頭髮、牙齒、皮膚、指甲、衣物，連同生辰八字埋入風水龍穴中，最主要的目的是為了轉運。

髮=木

膚=土

牙/指甲/骨=金

血=火

理論上要用一支管放眼淚=水

但由於「世無食飯神仙，人地都要搵食」，尤其某D 以風水維生的人，搞左D MARKETING式的種生基。WORK唔WORK，事實係WORK，但方法唔會只有果個方式。

其實修墳都係同一件事，講緊土葬祖先，火葬不適用。

某D 國家好怕再出聖人或偉人，係嚴禁土葬。
不過，土葬搞得唔妥，對子孫的禍害係可以180 年(三元)以上。

其實都係五行，髮=木、膚=土、牙/指甲/骨=金、血=火、眼淚=水，所以人自己走上山，去一個五行相應的地方就已經有效果。

想貪D ，剪埋頭髮、指甲、捽甩下D 皮膚，落左山之後，D 身體殘餘仲响度，就有後續。

2025年乙巳，一春兩夏兩秋一冬，六個天赦。